Owen Coyle-a'n Jamshedpur a zawm

Indian Super League club Jamshedpur FC chuan coach atan season hmasa tawp lama Chennaiyin FC enkawltu Owen Coyle an lalut a, kum hnih chhung atan contract an ziahpui. 

Bolton Wanderers manager hlui hi Chennaiyin pawhin chelh duh mah se kum khat bak contract an zawrh phal lo a, English coach hian hun rei zawk atana contract ziah a duh bawk si avangin Jamshedpur lam a pan ta a ni. 

Chennai club-in season hmasa ISL-a beisei an phak loh khan John Gregory an ban a, a hmun ruakah Coyle-a lut. Blackburn Rovers pawh lo enkawl tawh coach hian match 15-ah vawi riat hnehna a chanpui a, ISL final hial a hruai thleng!

Kum 54 mi coach-in a hnathawh thlirin South Indian club-ah kum khat aia rei zawk contract phuin a inhria a, mahse Chennai lam ngaihdan a ni lo thung. Burnley leh Wigan A­thletic pawh lo enkawl tawhtu Coyle-a'n season hmasa aia inbuatsaihna ṭha zawk nen Indian football-a hmachhawn dawn a, Men of Steel (Jamshedpur sawina) hian ISL playoff tal khelh phak an beisei ang.