Benfica lakah Porto an chungnung

Porto chuan player kim loa khel chungin an elpui Benfica 2-1 in an hneh a, league nomawi an chawi hnuah Pathianni zan khan Portuguese Cup champion an ni leh ta.

Porto forward Luis Diaz chu chawlhlawk hma lawkin yellow card pahnihna vangin hnawhchhuah a ni. Mahse, second half tir lamah Newcastle United defender hlui Chancel Mbemba chuan goal hmahruai a tauh lut.

Minute 58-naah Mbemba bawkin hnai tak aṭangin an goal hnihna a khung a, Benfica goalkeeper Odisseas Vlachodimos tan tih theih a awm lo. Hun tawp dawnah Benfica lamin Carlos Vinicius hmangin penalty khung mah se awmzia a nei tawh lo.

Portuguese club pahnih hi league lamah pawh an inel na hle a, an pahnih intawna chak zawk Porto an champion. Cup lamah pawh thawnthu a danglam chuang lo, team ṭha zawk Porto bawk an chungnung.