Man Utd hmachhawn tur Betis

Europa League last 16 inkhel tur pawh fel a ni a, playoff aṭanga tlang Manchester United chuan La Liga team Real Betis an hmachhawn dawn. Arsenal hmaah Sporting Lisbon an ding thung ang.

Europa League group stage china pakhatna ten last 16 an lut tlang nghal. Gunners pawh playoff khelh ngai loa tlang sa an ni a, Champions League group stage paltlang zo loa tla team an hmachhawn thung a ni.

Last 16 hi March 9 leh 16-ah khelh tur a ni dawn a, group hmahruaitu ni chunga tlangte hian second leg chu anmahni khelmualah an khel thei dawn a ni.