Bayern hmaah Union Berlin

Bundesliga-ah a chung lama awm club pathum Bayern Munich, Borussia Dortmund leh Union Berlin ten point 43 vek an hmu. February 26, Pathianni zan dar 10:00 hian Allianz Arena-ah Bavarians-in Berlin an mikhual dawn. Urs Fischer-a kaihhruai Berlin hi dah hniam theih an ni tawh lo - Ningani zan khan Ajax hnehin Europa League last 16 an lut.

Bayern tana chanchin lawmawm chu Sadio Mane a rawn kir theih a rinawm a, chutihrualin Liverpool forward hlui hi inhliam vanga World Cup khel lo a nih avangin rinrawla hman nghal a ngamawm kher lo ang. Tlarhnung lamah Dayot Upamecano chu hrem vangin a khel thei dawn lo a, tlarhnung pawp sa, a pawh belh thei bawk.

Union Berlin erawhin Bundesliga-a che ṭha satliah an ni lo tih lantir nan Ajax an hneh thei a, Bayern lakah inrintawkna an neih phah ang. Chutihrualin Bavarians hian Bundesliga-a vawi sarih Union Berlin an hmachhawn tawhah tlawm an la nei lo. Point 43 hmu dang Borussia Dortmund-in zanin hian Hoffenheim an tlawh dawn a, league hmahruai theihna hun ṭha an nei a ni.