Jeje-a'n D Licence a nei

All India Football Federation 'D' Certificate Coaching Course chu January 30 - February 4, 2023 khan Kolasib-ah neih a ni a, candidate 24 aṭangin 16-in hlawhtling takin an zo. D Licence nei thar zingah hian India striker hlui Jeje Lalpekhlua pawh a tel a ni.

Jeje hian February 16, Ningani zan khan football khelh a chawlhsan thu a puang a, football tana ṭangkai zel a tum thu a sawi ang ngeiin coach ni tura licence hmasa ber D Licence a nei nghal.

Course hi instructor Shakti Singh (AIFF Instructor) hnuaiah an kalpui a, mi 16 an pass bakah mi panga chu pro-pass (practical exam pass tawh, theory exam nawn leh ngai) an ni a, pathum erawh an fail thung.