Set hloh mah se Alcaraz a chak

Rio Open khelh mekah champion lai Carlos Alcaraz chuan quarterfinal a lut. Spanish tlangval hian Ningani zan khan a khingpui Fabio Fognini chu 6-7(5), 6-2, 6-4 in a hneh a, hnehna chang tur hian darkar hnih leh minute 47 chhung hun a hmang.

US Open champion Alcaraz hian a match lehpekah chuan Dusan Lajovic a tum dawn, inkhel dangah Serbian player Lajovic hian Laslo Djere chu 6-2, 6-4 in a lo hneh ve thung a ni.

Alcaraz hliam chhung hian Novak Djokovic chuan number 1 dinhmun a lo luah, tunah hian player pahnih inthlauhna hi ranking point 500 vel chauh a ni a, hun rei lote chhung leka danglam thei a la ni ang.