MBA Masters Championship-ah Joseph a langsar

Mizoram Badminton Association Masters Championship chu khelh zawh a ni a, Mizorama kum 35 chunglamte inelnaah hian Joseph M. Lalrinawma chuan category thumah final lutin, pahnihah a champion - a che ṭha takzet.

Agrico Innovation MBA Masters Championship hi February 21 khan khelh ṭan niin, February 24-ah khelh zawh a ni a, category hrang hrang 10-ah inelna neih niin, Ralte Villa Badminton Club tana khel Joseph M. Lalrinawma chu a langsar ta ber a ni.

Mission Veng Bad-minton Club chuan he inelna hi thlengin, Mission Veng Badminton Hall-ah inelna hi neih vek a ni - Joseph hi 40+ Men’s singles-ah champion-in, 40+ Men’s doubles-ah H. Zohmangaiha nen ṭang dunin, an champion bawk a, 35+ Men’s doubles-ah Albert Lalnunhlima nen ṭang dunin, final-ah an chak zo ta lo a ni.