MSL All Star a hlawhtling

Mizoram Super League All Star Game chu Inrinni zan khan R. Dengṭhuama Indoor Stadium, Mualpuiah hlawhtling taka neih a ni. Team St. Joseph chuan 115-110 in Team Mt. Carmel an hneh.

Player ṭha rual inel zingah Lalrina Renthlei chu MSL Ayush All Star MVP atan thlan an thlang.

Mimal inelna lamah Mission Veng Hotshots player Christopher Galbreath Jt chu Slam Dunk-ah pakhatna a ni a, 3-points shootout bikah Champhai District BBA player Lalmuanpuia chu a chungnung ber bawk.

MSL hi league round bikah season chanve an zo tawh - vawi khat ṭheuh an inkhel kual tawh tihna a ni. Vawiin tlai aṭang hian a vawi hnih nan an inkhel kual leh ṭan ang.

Champion lai Zarkawt BCA chuan an khingpui an hneh vek a, zanin dar 8:30 hian team ṭha Chanmari Vikings an hmachhawn lehnghal dawn a ni.

MSL Result & Fixtures
February 27, Thawhṭanni
Bungkawn LB 05:00 PM Mission Veng Hotshots
Zarkawt BCA 08:30 PM Chanmari Vikings

February 28, Thawhlehni
Khatla TBL 05:00 PM Champhai BBA
Khatla South Barons 08:30 PM Tuikual South

February 24, Zirtawpni
Khatla South Barons 84 - 88 Khatla TBL
Tuikual South 76 - 80 Bungkawn LB