Ronaldo-a'n hattrick a siam

Inrinni zan khan Cristiano Ronaldo chuan hattrick a siam a, Al Nassr chuan khualmualah Damac chu 3-0 in an sawp. Portuguese forward hian minute 18-naah penalty aṭangin goal hmahruai a khung a, first half chungin goal hnih dang hi a khung leh bawk.

Ronaldo hian a ke chhe lamin (vei lam) goal 153 a khung tawh a, match hnuhnung paliah goal sarih khungin assist vawi hnih a nei bawk. Portuguese forward hian hattrick vawi 62 a siam tawh a, a hmasa 30 hi kum 30 a tlin hma niin a hnuhnung 32 hi kum 30 a tlin hnu a ni.

Al-Nassr hian Saudi Pro League-ah match 18 aṭangin point 43 an hmu a, hmahruaitu an ni. An hnuai chiaha mi Al-Ittihad-in Ningani khan Al-Raed lakah point hnih an hloh a, point 41 hmuin champion beiseina erawh an la nei zel. March 9, Ningani zan hian Al-Ittihad-in Al-Nassr hi an mikhual ang.