Napoli an sang tual tual

Serie A champion tur a chiang hnai - hmahruaitu Napoli chuan Empoli 2-0 a hnehin a chung berah an dinhmun an sawhnghet. Naples club hian anmahni hnaih bertu Inter Milan aiin point 18 zetin hma an hruai fal.

Inrinni zan inkhelah mualneitu Empoli tan defender Ardian Ismajli chuan minute 17-na lekah anmahni lamah a ti lut a, striker ṭha mi Victor Osimhen chuan Serie A season kal laia a goal 19-na a khung zui bawk.

Second half-ah Napoli defender Mario Rui chu hnawhchhuah a ni a, hun tawp lam minute 20 chuang chu Luciano Spalletti naute hi tlem zawk ni chungin an khel a, mahse an goal an venghim tluan thei.

Nigeria forward Osimhen-a'n tun hnaiah a zawnin Serie A match riat chhung goal a khung ta - Cristiano Ronaldo hnuah hetiang ti leh thei hmasa ber a ni. Ronaldo hian Juventus tan khan a zawnin match 11 chhung goal a khung.