Gokulam lakah Aizawl FC an tlawm

I League club Aizawl FC-in Inrinni khan EMS Stadium, Kozhikode-ah Gokulam Kerala an hmachhawn a, Mizo club hi 3-0 in an chak lo. Caetano Pinho hote an muala RoundGlass Punjab an hneh loh hnuah khualmualah match thum khel leh tawhin an chak lo vek a, a zawnin vawi li an chak tawh lo.

Gokulam hian Rahul Raju hmangin first half-ah hma an hruai a, Sergio Mendigutxia leh Jijo Joseph ten second half-ah an khung belh. Mizo club-in Henry Kisekka leh Ivan Veras te bul ṭantir mah se goal khat pawh an khung lo.

AFC coach Pinho hian season tawpah parukna an nih phak tur thu a sawi tawh a, vawi li an chak tak loh avangin pasarihnaah an awm mek. AFC hian February 28, Thawhlehni tlai dar 4:30 hian champion beiseiawm zinga mi Sreenidi Deccan an mikhual ang.