Man City hmaah Bristol

FA Cup fifth round chu zanin aṭangin khelh ṭan a ni dawn a, Manchester City chuan Ashton Gate-ah Championship club Bristol City an lenchilh dawn.

Bristol hi league-ah 13-na chauh ni mah se kum 2023-ah hneh loh an la tawng lo. Nigel Pearson-a hote hian FA Cup-ah Swansea City leh West Bromwich Albion te an hneh a, Pep Guardiola hote hneh erawh a harsa dawn.

Man City hian Pep Guardiola hnuaiah nomawi ṭhahnem tak chawi tawh mah se FA Cup-ah erawh vawi khat chiah an la champion. Guardiola hote hi Nottingham Forest leh RB Leipzig ten an chelh a, hemi hnu hian insiamṭhain kartawp khan Bournemouth 4-1 in an hneh.

Spanish manager Pep-a'n squad a siksawi a nih pawhin Bristol tan chuan khelh an la harsa dawn. City hian March 4, Inrinni hian Newcastle United an mikhual dawn a, Magpies hi FA Cup aṭanga an tlak tawh avangin Eithad Stadium inkhel tur atan an insawrbing thei tawh ang.