Russia tlangval lakah Murray a tlawm

Qatar Open final-ah Daniil Medvedev chuan Andy Murray chu 6-4, 6-4 in a hneh. Tun hnaiah Medvedev hian Qatar bakah Rotterdam Open nomawi a chawi a, a khel ṭha tluang rih hle.

World number 1 hlui pahnih an inkhel tawk hle, mahse Murray-a'n a service vawi li lai a hloh laiin a khingpui service vawi hnih chiah a chhuhsak thei a, hun pawimawh laia che fuh zawk Medvedev a chungnung.

Kum 27 mi Medvedev chuan, "Andy nen vawi thum kan inhmachhawnna a ni a, a vannei zawkah ka ṭang vek. Heng inkhelah hian a chak zawk ni mah ila a awlsam lo thei hle," a ti. Russian tlangval hian tennis a khelh hun chhungin nomawi 17 a chawi tling ta chiah.