SAI inelnaah Thenzawl chungnung

28th February, 2023

Ram pum huap inelna All India Inter SAI Hockey Tournament-ah North East Zone aiawha khel STC SAI Thenzawl an champion.

Coach Lalroṭhuami leh manager R. Lalnunsanga te kaihhruai team hian final-ah East Zone B chu 2-0 in an hneh. Final hma hian South Zone A (5-1) leh North Zone (5-1) an hneh a, East Zone nen 4-4 in an inhnehtawk bawk.

February 14-17 chhung khan 13th Hockey India National Women Championship chu Kakinada, Andhra Pradesh-ah khelh a ni bawk. Mizo pathum - Lalruatfeli, Lalhlunmawii leh Lalrindiki telna Maharashtra chuan silver medal an dawng.

Tournament-ah vek hian national umpire K.T Lalhlimpuii chu match official atan hman a ni.