TBL hmaah Champhai DBBA

Mizoram Super League (MSL) season riatna chu league round chawhnu lam an khel ṭan leh nghal, vawiin tlai dar 5:00 hian table-a pahnihna Khatla TBL hmaah a mawng lama talbuai lai Champhai District BBA an ding dawn.

TBL hian match sarih an khelh tawh zinga parukah hnehna an chang, an intawn hmasakin Champhai pawh hi an hneh. Aizawl pawn aṭanga MSL khel hmasa ber Champhai tan point neih hnem bakah mahni inven thiam a pawimawh ang.

Zan dar 8:30-ah Khatla South Barons leh Tuikual South te an inkhel zui dawn. Team pahnih hi semifinal khelh tum, hmun ruak inchuh thei tura ngaih an nih avangin an tan a pawimawh ve ve dawn hle a ni.

Tuikual South hi MSL team hlun berte zinga mi an ni a, mah se an la champion lo. Kuminah pawh beisei an la phak thei rih lo, season chawhnu lamah hian an tawnhriat nena an insiamṭha viau a nih loh chuan semifinal khelh loh mai pawh a hlauhawm thei ang.

February 28, Thawhlehni
Khatla TBL 05:30 PM Champhai BBA
Khatla South Barons 08:30 PM Tuikual South

March 1, Nilaini
Zarkawt BCA 05:00 PM Khatla TBL
Chanmari Vikings 08:30 PM Bungkawn LB