Hotshots hnehtu Bungkawn

Mizoram Super League an khelh vawi khatna ni mah se Bungkawn LB Associates hian an ti mai mai lo. Thawhṭanni zan inkhel inhnehtawk takah LB hian Mission Veng Hotshots chu 78-77 in an hneh.

R. Dengṭhuama Indoor Stadium, Mualpuiah team pahnih an inkhel tawk hle a, hmahruaitu pawh vawi li ngawt an in nih chhawk - a tawpah LB an vannei ta zawk. Zanin dar 8:00-ah Chanamri Vikings nen an inkhel zui leh nghal ang.

Inkhel dangah Zarkawt BCA chuan Chanmari Vikings chu 114-62 in an sawp, tun season kal laia insawpna nasa ber a ni. BCA hian match riat an khelh tawhah hnehna an la chang fai vek a, vawi hnih chauh point 100 neih tlin loh ṭum an nei.

Vawiin tlai dar 5:00 hian champion lai Zarkawt BCA leh Khatla TBL an inhmachhawn zui leh dawn. An intawn hmasakah BCA hi 100-98 in an chak lo, an inthlauhna hi point hnih chauh a ni - intawn vawi hnihna hi a hmuhnawm khawp ang.