Thiago Silva a inhliam

Chelsea chuan an defender Thiago Silva chu Pathiannia Tottenham Hotspur nen an inkhelh ṭuma a khup a hliam nat thu an nemnghet. Kum 38 mi Silva hliam hi Thawhṭanni khan endik a ni a, kar nga aṭanga kar ruk thleng chawl thei dinhmunah a ding.

Brazilian defender Silva hian Blues-ah hmun pawimawh a chang a, tun season league match 20-ah a inlan a, season liam ta khan match 32-ah a inlan bawk.

Silva inhliam hi head coach Graham Potter buaina belhchhahtu a ni ang. Blues hi an league match hnuhnung 12-ah vawi hnih chauh an chak a, table-ah pawh 10-naah an awm.

Chelsea hian March 4, Inrinni hian Leeds United an mikhual ang a, March 7, Thawhlehni zanah Borussia Dortmund nen UCL last 16 an khel lehnghal dawn. First leg-ah Dortmund hian 1-0 a hnehna an chan avangin London club hmabak a harsa dawn hle.