Austria team thutlukna a ni - Alaba

Austria captain David Alaba chuan Best Fifa Awards thlanaah a khelhpui Karim Benzema chu pahnihnaah dahin Lionel Messi chu pakhatnaah a dah a, pathumnaah Kylian Mbappe a thlang.

Alaba hi social media-ah sawiseltu a ngah a, #AlabaOut tih hashtag pawh an hmang nasa hle. Real Madrid defender Alaba chuan, "Austrian national team thutlukna a ni a, mimala ka thutlukna a ni lo. Team chhunga mi chuan ngaihdan an nei thei vek," tiin vote an thlak dan a sawifiah.

Bayern defender hlui Alaba chuan sawi chhunzawmin, "Mi tupawhin, a bik takin Karim-a'n ka dahsanzia an hria. A bulah pawh khawvela striker ṭha ber a nih thu ka hrilh a, tunah pawh ka ngaihdan a la ngai reng," tiin a sawi.

Austria coach Ralf Rangnick erawhin Benzema a vote lo a; Messi, Mbappe leh Jude Belingham te a thlang.