Palinaah Lazio an awm

Thawhṭan zan Serie A inkhelah Lazio chuan hun tawp dawna Luis Alberto goal khat hmangin Sampdoria 1-0 in an hneh a, table-ah palina dinhmun luahin season thara Champions League khelh an beiseina an chhawm nung.

Maurizio Sarri naute hian league match 24 aṭangin point 45 an hmu a, anmahni aia match khata khel tlem AS Roma aiin point khatin an sang - an chunga awm AC Milan leh Inter Milan an phak lohna pawh point khat chauh a ni.

Lazio an kan san zel lai hian Sampdoria erawh a mawngphah lamah an talbuai. Coach Dejan Stankovic chuan, "Kan result vangin ka lawm lo, ka naute khelh danah erawh beiseina tam tak ka nei thung.

"Ṭha takin khel mah ila point kan hmu lo, hei chu football ken tel pakhat a ni. Tun anga kan khel zel thei a nih chuan Serie A aṭangin kan tlo lo ang a, kan tlawm reng lo bawk ang tih ka sawi ngam," a ti.