London-ah Son a kir

Tottenham forward Son Heung-min chu an ram South Korea lamah sipai training a hman zawh hnuin London khawpuiah a kir leh tawh a, coronavirus a kai lo tih a chian avangin khung hran a ngai dawn lo.

An ram dan angin Son hian sipai training a zawm a ngai, Asian Championship-ah an ram chu gold medal a lakpui vang erawh chuan ngaihhnathiam a ni a, midang angin sipai atan a ṭan rei a ngai lo hlauh.

Kum 27 mi Son rual hian mi 157-in training an nei a, an zingah Son hi a ti ṭha ber. Vawiin aṭang chuan London khawpuiah mimal training a nei chhunzawm ve leh thung tawh dawn a ni.