Burnley hmaah Fleetwood

Vincent Kompany kaihhruai Burnley-in Championship-ah kawng dik an zawh a, season tharah Premier League an khelh ngei a rinawm. Clarets hian zanin dar 1:00 hian FA Cup-ah Fleetwood Town an mikhual dawn a, an khingpui tur hi League One club an nih avangin Kompany hote hi buk rit zawk an ni ang.

Club pahnih hi an vawi khat inkhelhna a ni a, Fleetwood tan tun hi FA Cup fifth round an thlen vawi khatna a ni. Clarets erawh fifth round an thleng fo tawh a, amaherawhchu fifth round an thlen hnuhnung parukah an chak lo vek.

Kompany hian hna ṭha tak a thawk a, English manager tawnhriat nei ṭha Neil Warnock chuan, "Burnley hi kum 20-25 chhunga Championship-a ka team hmuh zingah chuan an ṭha ber," tiin a sawi. Kum 74 mi Warnock hian Championship club Huddersfield Town a enkawl mek a, Burnley a fakna hi a dik a nih ngai chuan Fleetwood lakah Kompnany hoten harsatna an neih a rinawm loh.