Zaninah Conte a kir dawn

Zanin dar 1:25 hian FA Cup fifth round-ah Sheffield United-in Tottenham Hotspur an mikhual dawn. Antonio Conte tel loin Spurs hian Chelsea an hneh a, hei chauh hi a ni lo - Cristian Stellini hnuaiah London club hian Marseille, Manchester City leh West Ham te an hneh tawh bawk.

Stellini hnuaiah Spurs-in match liah match li hnehna an chang a, Conte rawn la kir lo pawh ni se an hlauthawng lo ang. Chutihrualin Blades hi zuam ngawt a rem lo, Championship club ni mah se pahnihnaah an awm mek a, season ṭha tak an hmang.

Tottenham a nih tawh chuan Harry Kane hming a langsar a, chutihrualin fourth round-a Preston North End an hneh ṭumin Son Heung-min a che ṭha thung. South Korean star hi season liam ta khan che ṭha mah se tun season-ah erawh player vantlang a la ni. Season hmasa lam anga Kane leh Son an che ṭha rual a nih chuan Spurs tan nomawi hial beisei theih a ni ang.