Ronaldo faktu Rohit Sharma

India opening batsman Rohit Sharma chuan Cristiano Ronaldo chu mi dang chunga leng a nih thu a sawi. Rohit hian Bangaladesh opening batsman Tamin Iqbal nen Facebook-ah live chat an nei a, player pahnih hian Ronaldo chungchang an sawi chhuak.

Rohit Sharma chuan, "Cristiano Ronaldo ngaina lo a awm theih dawn a mi? Lal a ni. A career chhunga a hnathawh hi a ṭha chungchuang a, a hlawhtlinna hi kan lawmpui tur a ni. A bul ṭan dan thlirin hlawhtlinna kalkawng hi a harsa lehzual a, hun harsa tak paltlangin a hlawhtlin hnu thlengin a ma tana mi ṭangkaite a hre reng," tiin Ronaldo a ngaihsan thu a sawi.

Kum 33 Rohit S

harma hi India cricket team-a player pawimawh a ni a, Test match 32-ah run 2,141 siam tawhin ODI match 224-ah run 9,115 leh T20-ah run 2,713 a siam tawh a, ODI-ah ringawt century vawi 29 a siam tawh a ni.