Player of the month Ronaldo

Saudi Pro League-ah Cristiano Ronaldo-a'n Premier League, La Liga leh Serie A-a a tih ṭhin angin goal a khung chhunzawm a, February thla khan player of the month-ah an thlang.

January transfer-ah khan Ronaldo hian Saudi club Al Nassr a zawm a, hrem a nih avangin January 23-ah competitive match a khel ṭan chauh. February thla kha thla khat pum hlum a khelh hmasak ber a ni a, player of the month-ah an thlang nghal.

February thla bikah hian Ronaldo hian match li a khel a, goal riat a khung. Portuguese forward hian hattrick ṭum hnih a siam der tawh a, goal a khung lohna inkhelah hian assist vawi hnih a nei bawk.

Saudi Pro-League-ah hian Al Nassr hian match 18 aṭangin point 43 an hmu a, hmahruaitu an ni mek a ni.