Class of 2020 - Graduate tharte pualin LeBron-a'n thu a sawi

Covid-19 vangin United States-ah ṭum danga an hman angin graduation day an hmang thei lo a, school hrang hrang ruahmanna a inang lo.

Hetiang buaina karah hian TV kaltlangin Basketball star LeBron James, US president hlui Barack Obama leh mi lar ṭhenkhatin graduate tharte pualin fuihna thuchhah an sawi.

Zirlaite u, zanin hi in hun a ni. Zanin hian kum 12 chhunga inthawhrimna, lehkha inzirna te, test in paltlang te, zing inthawh hma leh zan in men rei te avangin kan chawimawi dawn che u.

Tun dinhmun in thlen theihna atana mi pawimawh - in ṭhiante, in chhungte leh in khawtlang te pawh kan chawimawi tel bawk. A nihna takah chuan Graduation Day nuam tak hmang tur in ni a, amaherawhchu khawtlang himna ngaihtuahin in nei lo - kan lawm e.

Class 2020 hian eng thil pawh hmachhawn turin in inpeih a, kan chhuang che u. America rama chhungkaw zawng zawngin kan nuna school hnathawh ropui tak hi kan hre vek a, khar a nih chiah hian kan hre lehzual. Mi rethei awmna vengah chuan school hi zirna piah lam a ni a, hmun ṭhenkhat Akron, Ohio-ah (Lebron-a pianna khua) chuan school hi khawtlang tana thawktu a ni.

School hi min puitu, min venghimtu a nih bakah mi tam tak tan chuan ei tur petu a ni. Class of 2020-te ka chah duh che u chu, graduation in lawm hian nangmahni siam liantu theihngilh loh tur. In zirtirtu, coach, pastor, ṭhiante leh chhungte vanga tun dinhmun thleng thei in ni tih hre reng ang che u.

Tunah chuan chona thar hmachhawn turin hmun thar intlawh a ṭul dawn. In suangtuahna leh beiseina ti hlawhtling turin in beih a ṭul dawn a, khawtlang nen in inzawm tlat a ṭul. Thla hnih chhung in inkhung tlatna hmun hi inhriat reng a ṭul. Khawtlangin a mamawh che. Khawtlang ka tih hian kohhran, youth group bakah a pawimawh ber chu school hi a ni. Khawvel thlak danglam turin khawtlang siam ṭhat hi a ṭul a ni.

Vanduai thlak takin tuna kalphung hian harsatna tak tak a su kiang lo. Zirna, kutthlakna, vun rawng hmusitna te hi kawtthlerah chinfel a ṭul. Class of 2020, ina tawm im turin ka chah che u inbeisei ngei ang. Ka thuchah erawh chutiang lam a ni lo.

In chenna hnaih takah awm rawh u. In theih chin chinah in thil tum ti hlawhtling turin mawhphurhna la ngam ula, khawtlang siam ṭha turin mawhphurhna la rawh u. Class of 2020, khawvel hi a inthlak zel. Insiamṭhat dan tur inngaihtuahin in khawtlang kha dah pawimawh hmasa ang che u.

Class of 2020, in hlawhtlinnaah ka lawmpui che u. Kan lal leh lalnu te in ni tih hre reng rawh u.