I League aṭangin Sudeva an tla

Nimin tlai I League inkhelah Sudeva Delhi leh Neroca te 3-3 in an inhnehtawk a, table mawngphaha awm Delhi club hian match hnih khelh hmabakah hnehna chang ve pawh ni se 10-naa awm Neroca an um phak thei tawh loh avangin an tla.

Chhatrasal Stadium, North Delhi-ah Neroca-in Kamo Stephane Bayi leh Jourdaine Fletcher te hmangin khung hmasa mah se Sudeva tan Alexis Gomez-a'n hattrick a siam.

Mualneitu hian hnehna an chang mai dawna a lan hnuah Neroca-in Michael Kporvi hmangin injury time-ah siphurh an sut zo. Sudeva-in match 20 aṭangin point 13 chauh an hmu a, I League aṭangin an relegate.

I League inkhel dangah Rajasthan-in February 28, Thawhlehni zan khan Mohammedan 1-0 in an hneh a, table-ah pasarihnaah an awm chho a, Aizawl FC erawh pariatnaah an tla thla thung.

Vawiin tlai dar 2:00 hian Real Kashmir leh Kenre an inkhel ang a, zanin dar 7:00-ah Trau leh Gokulam Kerala te an inkhel bawk ang. I League-ah hian team 11 an awm a, pahnih an relegate dawn.