Kamada-a'n Dortmund a zawm dawn?

Eintracht Frankfurt-a Japanese midfielder Daichi Kamada contract neihlai chu tun season zawhah a tawp dawn. Kamada hi Borussia Dortmund nen sawizawm an ni a, inremna an nei hnai niin khawthlang media te chuan an ziak.

Dortmund CEO Sebastian Kehl chuan, "Kamada hi kan player duh zawng tak a ni a, thu thar kan nei a nih chuan kan la puang ang," tiin lak an tum thu hi an sawi tawh.

Tun season Bundes-liga-ah Dortmund hi pahnihnaah an awm mek a, hmahruaitu Bayern Munich nen an point hmuh zat a inang. Dortmund-in season ṭha tak an hman avangin Kamada pawhin Signal Iduna Park-a kal hi hreh lo niin a sawi a ni.

Dortmund player pawimawh Jude Belling-ham chu Liverpool, Real Madrid leh Manchester City te nen sawizawm a ni a, English midifielder hian German club hi a chhuahsan a nih chuan Kamada hi a thlakna ṭha tak a ni thei ang.