Match hnih atan Mourinho an hrem

AS Roma coach Jose Mourinho chu Cremonese an hneh loh ṭumin hnawhchhuah a ni a, tun season kal laiah Mourinho hian red card hi vawi thum ngawt a hmuhna a ni tawh.

Kum 60 mi Mourinho hi match hnih chhung a naute kaihruai thei lo tura hrem a nih bakah pawisa an chawitir bawk. Serie A chuan thuchhuah siamin, "Second half-a thil thlengah uchuak takin lungawi lohna a lantir a, ṭawngkam mawi lo a hmang bawk," an ti.

Roma hi season thara Champions League khelh tum an ni a, an hneh loh Cremonese erawhin tun season atan a vawi khat nan hnehna an chang ve ta, match 24-naah chak ni hmel an hmu ve chiah.