FA Cup quarterfinal-ah Pep vs Kompany

Football knockout inlena upa ber FA Cup quarterfinal khel tur team pariat a chiang a, Premier League club pali chauh an awm.

Manchester City chuan Eithad Stadium-ah Burnley an mikhual dawn. Pep Guardiola hote hmachhawn tur hi Championship hma-hruaitu an ni ringawt lo a, an club legend Vicent Kompany enkawl a ni.

Manchester United an vanduai a, Premier League club Fulham nen an pawtfuh. Chutihrualin Fulham hi Man City leh Brighton te ai chuan an thlanawm zawk a, Erik Ten Hag-a hote vanneihna chu Old Trafford-ah an khel dawn.

Brighton-in team pariat zinga rank hniam ber Grimsby Town an hmachhawn dawn. Grimsby hi League Two club an ni.

Sheffield United-in Tottenham an barakhaih a, an khingpui tur chu Championship lama an hmelma Blackburn Rovers a ni ang.