Grimsby lakah Saints an mualpho

Southampton-in an mual Saint Mary's Stadium-ah League Two club Grimsby Town an mikhual a, 2-1 in an hneh lo. Grimsby-in kum 84 hnua a vawi khat nan quarterfinal an thleng.

Grimbsby hian first half leh second half-ah penalty an hmu ve ve a, Gavan Holohan-a'n goal-ah a chantir ve ve. Saints-in Duje Caleta-Car hmangin siphurh sut ṭhen mah se goal dang hmuh tur a awm tawh lo.

Southamtpon leh Grimbsy club awmna Cleethorpes hlat zawng hi 750 km vel a ni nachungin League Two club ṭantu 4,000 zetin an club hmangaih hi Saint Mary's Stadium-ah an ṭawiawm a, hun duhawm bik an tawng bawk.