Dallas Mavericks tan Doncic leh Irving

Luka Doncic-a'n point 42 a nei a, a teammate Kyrie Irving chuan point 40 a nei ve bawk - nimin zing NBA regular season inkhelah Dallas Mavericks chuan Philadelphia 76ers lakah 133-126 in hnehna an chang.

Irving hian season kal laia point nei hnem ber Doncic a khelh pui ta a, a club hlui Brooklyn Nets aṭanga Mavericks a zawm chu thutlukna a siam fuh viau dawn ni pawhin a lang.

Kum 30 mi Irving chuan, "Luka hi hnehna chanpui tham a ni a, a kianga tel ve turin ka inpeih nghal. Ṭha taka khel turin kan inpui tawn," tiin a khelhpui thar bulah a tlangnel tih a sawi.

Inkhel dangah Golden State Warriors chuan Los Angeles Clippers chu 115-91 in an hneh. Warriors hian hnehna an chan theih nan quarter hnuhnung ber bikah chauh pawh point 42 an nei hial.