Bayern chhuahsan ka tum lo - Pavard

Bayern Munich defender Benjamin Pavard chuan tun season tawpah Bavarians chhuahsan tumna a nei hran lo tih a sawi. Premier League leh Ligue 1 lam pan tur anga thawm awm chu a dik rih lo niin a lang.

Kum 26 mi Pavard hian Allianz Arena-ah kum 2024 thleng daih contract a nei, thlasik bazar liam taah khan Inter Milan chuan lak chhuah tumin lo dawr tawh mah se an hlawhtling rih lo - coach Julian Nagelsmann hnuaiah hmun nghet chan theih a la inbeisei.

France international Pavard chuan, "Zinkawng zawh laklawh laia tawpsan mai chi ka ni ve lo. He hmunah hian ka hlim a, ka hlimin nuam ka ti hle. Coach Julian Nagelsmann min khelh tir dan hi ka duh dan a ni a, hmasawn zel theih pawh ka inring," a ti.

Pavard hian Paris Saint-Germain nen Champions League last 16 an khelh ṭumin red card a hmu a, anmahni khelmuala UCL second leg an khelh hunah a inlan thei lo ang.

Bayern Munich hian zanin dar 11:00 hian league table mawng lama awm VfB Stuttgart an tlawh ang - league match lamah chuan Pavard hi a chhawr theih thung dawn a ni.