Australia-in India an hneh

India-in Test match hmasa pahnihah Australia sawp mah se Test match thumnaah Aussies-in mualneitu hi an sawp let. Holkar Stadium, Indore-ah Australia-in chak turin ni thum chiah an mamawh a, wicket kuain hnehna an chang.

Inelna hi March 1-3, 2023 chhung khan neih a ni a, India-in bat hmasak an thlang. Men in Blue batter-ten beisei an pha lo a, inning hmasa zawkah 109 runs chauh an siam a, run siam tam ber Virat Kohli pawhin 22 runs chauh a siam.

Australia-in 197 runs chauhin chhanglet mah se second innings-ah pawh India batter-te an insiamṭha thei chuang lo. Cheteshwar Pujara-a'n 59 runs a siam a, batter dang an chet ṭhat loh avangin 163 runs an siam tihin an thi fai vek.

India hian target atan 76 runs chauh an chhawpsak thei a, Australia hian 78 runs an siam a, wicket khat chauh hlohin Usman Khawaja-a'n half century (60 runs) a siam. Aussies bowler Nathan Lyon-a'n innings hmasa zawkah wicket thum (35/3) lain second innings-ah wicket riat (64/8) la lehin player of the match a thlan a ni.

Fourth Test leh a tawpna ber hi March 9-13, 2023 hian Narendra Modi Stadium, Ahmedabad-ah khelh a ni ang.