Tuikual tan semifinal beiseina a la nung

Mizoram Super League season hmasa ber aṭangin Tuikual South an la tel char char a, team hlauhawm zinga mi an ni ṭhin. Tun season erawh Phengphehlep an che fuh tawk lo - Ningani zanah erawh TKS hian Champhai District BBA chu 101-51 in an hneh.

Tuikual South tan player parukin point 10 chuang an nei thei, mimal ni loin team thawhhona ṭha chu an chakna hnar a ni. Vawiin tlai hian Zarkawt BCA nen an inhmachhawn leh dawn - semifinal khel phak tur chuan chak a pawimawh.

Inkhel dangah Mission Veng Hotshots chuan Khatla South Barons chu 98-65 in an hneh. Match kua an khelh tawh chinah Hotshots hian pathumna dinhmun an luah thei a, chak lo Barons erawh tun season MSL bikah chak ni hmel an la hmu miah lo.