Tluangtea'n Karnataka a champion pui

Bawngkawn tlangval F. Lalremtluanga chuan kum 54 hnuah Karnataka chu Santosh Trophy-ah a champion pui. Inrinni zan khan King Fahd International Stadium, Riyadh-ah final hi khelh a ni a, Karnataka hian final vawi khat thlenna Meghalaya chu 3-2 in an hneh.

Final-ah Karnataka-in minute hnihna lekah Sunil Kumar hmangin goal an khung a, Brolington Warlarpih hmangin minute kuanaah Meghalayain siphurh an sut. Amaherawhchu Karnataka-in first half chhung vekin Bekey Oram (19') leh Robin Yadav (44') te hmangin hma an hruai nawn a, chutihrualin Sheen Stevenson Sohktung-a'n Meghalaya tana a khung avangin hun tawp thlengin inkhel boruak a ṭang.

COE aṭanga inzir chhuak Tluangtea hian Karnataka tan hmun pawimawh a chang a, final round-ah bul ṭan vekin Saudi Arabi-a semifinal leh final an khelh ṭum hian a khel tluan.

Tluangtea chuan, "India rama stadium ka khelh tawhna te leh tun ṭuma kan inkhelhna chu a inthlau takzet a, hmun hma kan la inneih ṭhat hleih hle. Hetiang hun ka tawng thei hi ka lawm a, ka tan chuan mumang ram ang mai a ni," tiin Vanglaini a hrilh.

Karnataka hian Pathianni zing khan India ram an rawn pan lehnghal a, dar 11:00 velah Mumbai thlengin nizan khan Bengaluru an thleng.

Santosh Trophy-ah pathumna zawn a ni a, Services-in Punjab 2-0 in an hneh. Services-ah hian Mizo tlangval Rohluahpuia a tel a ve bawk.