MSL8 a hmuhnawm zel

Tualchhung basketball inelna sang ber Mizoram Super League 8 chu R. Dengṭhuama Indoor Stadium, Mualpuiah khelh chhunzawm zel a ni a, vawiin tlai dar 5:00 hian Chanmari Vikings leh Khatla South Barons te an inhmachhawn ang.

Zan dar 8:00-ah vawi hnih champion tawh Khatla TBL chuan Tuikual South an hmachhawn dawn, team hlun leh inhrechiang pahnih inkhel hi a hmuhnawm ang - Phengphehlep lamin player tha ti chak turin mipui puihna an mamawh.

Inrinni zan khan champion lai Zarkawt BCA chuan Tuikual South hi 94-84 in an hneh. A zawna vawi li champion thei BCA hian tun season league round an khelh tawh zawng zawngah hnehna an la chang fai vek.

Team thar zingah Bungkawm LB Associates chu a che thei ber an ni. Bungkawn hian Khatla South Barons chu 84-72 in an hneh a, semifinal khel turin an dinhmun an siam ṭha zel - Barons tan erawh a sang pali zinga tel beisei chi a ni tawh lo.

Kumin MSL-ah hian team pariat an inel, vawi hnih ṭheuh an inkhel kual hnuah a sang paliin semifinal an khel dawn a ni.