Hmahruaitu Napoli an chak lo!

Serie A hmahruaitu Napoli chu tun season chhunga a vawi hnih nan an tlawm. Zirtawpni zan inkhelah Naples club hian an mikhual Lazio chu 1-0 in an ngam lo - table chung berah erawh an la awm chhunzawm zel.

Lazio tan Matias Vecino chuan minute 67-naah goal awmchhun a khung, penalty box pawn aṭangin tawih zetin a khung a ni. Serie A goal 19 khung tawhtu Victor Osimhen-a'n si phurh sut theihna remchang nei mah se a khung thei tlat lo.

Napoli tan Sergej Milinkovic-Savic chuan freekick aṭangin woodwork a tih per bawk a, an vanneih zan a ni lo. League match bikah chuan an match hnuhnung paruka a vawi khat nan goal an chhuah.

Inrinni zan khan AC Milan chu Fiorentina mualah 2-1 in an chak lo. Milan an chak loh avang hian Lazio chu table-ah pahnihna an ni chhunzawm a, hmahruaitu Napoli an phak lohna chu point 17 tehmeuh a la ni tho.