A dinhmun ngaiah Djokovic

Novak Djokovic chuan world number 1 ni rei thei ber record a chelh lai chu a belhchhah zel. Serbian star hian chawlhkar 379 chhung zet chu ranking sang ber dinhmunah hun a hmang ta a ni.

Kum 35 mi Djokovic hian kar hmasa khan Steffi Graf nena record inṭawm an neih chu a khum a, tun dinhmunah United States lamah zin ve thei lo mah se ranking vanga lawmna tur a nei ve thung.

Dubai Tennis Cham-pionship semifinal-ah Djokovic hian Daniil Medvedev a ngam lo, a zawna match 20 chhung a chak tawhna chu a tawp. Russian tlangval Medvedev hi a champion zui a, ranking-ah pawh paruknaah a inhlangkai.

Tun kar chhungin Indian Wells an khel dawn, world number 2 Carlos Alcaraz a inlan - Spanish star hi a champion a nih chuan Novak nek chhuakin a chung ber dinhmun a luah thei dawn.

US Open champion Alcaraz hi season hmasa leh kumin tir lamah hliam vangin a inkhel thei lo, a inkhelh theih loh laiin Djokovic hian number 1 dinhmun a chhuhsak a, record thar a lo siam hman hial a ni.