TBL leh Vikings an chak

Mizoram Super League season 8 khelh laiah Thawhṭanni zan khan Khatla TBL leh Chanmari Vikings te chuan an khingpui ve ve an hneh. Vikings hian vawiin tlaiah Tuikual South an hmachhawn leh nghal ang.

R. Dengṭhuama Indoor Stadium, Mualpuia inkhelah Vikings tan Arlando Demontee Cook chuan point 30 a nei a, tawnhriat nei ṭha Moses Zoremmawia chuan point 23 nei bawkin Khatla South Barons chu 95-85 in an hneh.

Inkhel dangah Khatla TBL chuan Tuikual South chu 105-100 in an hneh. TBL player panga ngawtin point 10 an nei tling a, mimala che ṭha fal aiin thawhhona ṭha chu an chak chhan a ni - Ningani tlaiah Mission Veng Hotshots nen an inkhel leh ang.