Number 1 ni chungin US-ah Swiatek

Hmeichhe tennis thuneitu sang Women's Tennis Association (WTA) chuan Thawhṭanni zan khan world ranking thar an ti chhuak, a chung berah Iga Swiatek a la awm chhunzawm - number 1 ni chungin Indian Wells a hmachhawn dawn tihna a ni.

California thlalerah hian tun kar chhungin inelna neih a ni dawn, hmeichhe player zingah chuan Swiatek hi champion tura rinkai ber a ni leh dawn. Round hmasa ber chu a bye a, a kal tluang zel a nih chuan quarterfinal-ah WTA Finals champion Caroline Garcia nen an inkhel thei dawn.

Seeded pahnihna Aryna Sabalenka pawh round hmasa berah a inkhelh a ngai dawn lo, Alize Cornet leh Evgeniya Rodina inkhela chak zawk nen second round-ah an inhmachhawn dawn a ni.