Lazio-in Alkmaar an ngam lo

Europa Conference League round of 16, first leg inkhel hmasa berah AZ Alkmaar chuan 2-1 in Lazio an hneh a, Italian club langsar Lazio hi an mualah an tlawm.

Serie A an match hnuhnung berah Lazio-in hmahruaitu Napoli an hneh a, Dutch club Alkmaar lakah pawh zahngaihna lantir an tum lo - minute 18-na lekah Spanish forward tawnhriat nei ṭha Pedro hmangin goal hmahruai an khung.

Mahse, inelna hrang hranga an match hnuhnung 12-a tlawm nei lo AZ-in tlawm an tum bik lo.Greek forward Vangelis Pavlidis chuan minute 45-naah si phurh rawn sut ṭhenin, Milos Kerkez chuan minute 62-naah chakna goal a khung zui.

Lazio-in a chhanletna tur an neih loh avangin mikhual team lakah an tlawm a, quarterfinal lut turin March 16-a second leg an khelh hunah si hnih fai tala hnehna an chan a ṭul ang.