Russian player an khelh theih ka beisei - Murray

Andy Murray chuan kumin Wimbledon an khelh hunah chuan, nikum lama inlan ve thei lo Russia leh Belarus player-te chu All England Club-ah an inkhelh ve theih ngei a beisei thu a sawi.

Russia leh Ukraine indona vangin khawvel ram hrang hrangin Russia leh a thurualpui Belarus an hrek. England pawhin an rama tennis inelna sangah hian an tel ve a rem ti lo a, kuminah hian an phal lo zui dawn em tih erawh hriat a la ni lo.

ATP leh WTA chuan season hmasa Wimbledon aṭangin world ranking point an pe lo, hei hian champion hlutna pawh nasa takin a ti tlahniam - a hnu lam zelah pawh tournament an khelh hoah seeded chan san an harsat phah.

World number 1 hlui Murray chuan, "A nihna takah chuan kan player pui ṭhenkhat ten Wimbledon an khel ve thei lo lai hmuh kha chu a hrehawm hle, chutih rualin tournament buatsaihtu lam thu pawh ka hriatthiampui hle.

"Kuminah chuan kalphung thlakin an inlan ve theih tawh pawh ka beisei, theih ni se chuan duhthusam a ni," a ti a, an inlan ngei duh mah se Wimbledon thutlukna chu a pawmpui tur thu a sawi bawk.