India beiseina a thamral nghal

Badminton inelna German Open-ah India tan beisei tur a awm ta lo. Nilaini khan Indian player zinga singles match khel pali an tla nghal vek, seeded parukna Lakshya Sen pawh a tlawm.

Sen-a hi chak tura beisei nei phak zinga mi a ni, mahse Christo Popov nen minute 45 an inkhelh hnuin 19-21, 16-21 in a chak lo. Tasnim Mir pawh main draw in vaw kai mah se Pornpawee Chochuwong chu 8-21, 10-21 in a ngam lo.

Indian badmiton player ten season bul an ṭan fuh lo hle. March 14 aṭangin Birmingham kawpuiah All England Open khelh a ni dawn, inelna liana result ṭha nei tur chuan insiamṭhat an mamawh hle.