Aizawl FC pasarihna

Aizawl FC-in tun season I League-a an match hnuhnung ber chu March 11, Inrinni khan an khel a, Cooperage Ground-ah Mumbai Kenkre nen 2-2 in an inhnehtawk.

Kenkre-in Ranjeet Pandre hmangin khung hmasa mah se Mizo club tan Mizo player an che ṭha a, R. Ramdinthara (25') leh David Lalhlansanga (70') te hmangin an lehthal. Hun tawpah mualneitu an vannei a, minute 89-naah Francis Nwankwo hmangin siphurh an sut.

Mizo club hian relegate tur club Kenkre lakah point thum hlawh chhuak thei lo mah se point khat an hlawhchhuah avangin pasarihna ni chungin season an khar. Aizawl FC hian April 3 aṭanga khelh ṭan tur 2023 Indian Super Cup-ah qualifying round an pumpelh bawk.

Super Cup-ah hian table hnuai lama awm Kenkre leh Sudeva Delhi te an telpha lo a, Rajasthan United leh Neroca ten qualifying playoff an khel dawn. Mizo club erawhin qualifier aṭangin an khel ṭan dawn a, hnehna an chang a nih chuan group stage an khel thei dawn. AFC khingpui tur hi I League-a palina a ni a, nizan inkhel result a zirin an khingpui tur hi Trau emaw Gokulam Kerala emaw an ni ang.