Carrick-a'n Boro beiseina thar a siam

Manchester United legend Michael Carrick-a'n Middlesbrough a enkawl ṭantirh khan Boro hi Championship-ah 21-naah an awm a, tla thei dinhmunah an ding. Carrick-a'n hna ṭha tak a thawk a, tunah chuan Boro hi pathumnaah awmin Premier League khelh beiseina sang tak an nei ta.

Inrinni zan khan Boro hi Liberty Stadium-ah an lenglut a, mualneitu Swansea-in Joel Piroe hmangin hma an hruai. Halftime-ah Carrick-a'n a naute thu ṭha a hrilh a, second half-ah Aaron Ramsey, Cameron Archer leh Chuba Akpom te goal hmangin an lehthal a, 3-1 in an chak. Ramsey hi Arsenal midfielder hlui Aaron Ramsey nen ngaih pawlh tur a ni lo a, ani chu kum 20 mi chauh niin Aston Villa aṭangin loan hmangin C'ship club hi a pan. Ramsey u hi Aston Villa midfielder Jacob Ramsey a ni.

Inkhel dangah Luton Town chuan Boro elpui Sheffield United chu 1-0 in an hneh. Blades hi pahnihnaah la awm chhunzawm mah se Boro nen an inthlauhna hi point li chauh a ni tawh. Championship aṭang hian a sang pahnih hi Premeir League khel turin an tling nghal a, match 10 khelh tur a la awm avangin Boro tan pahnihna nih theihna kawng a la inhawng zau hle.