Match hmasa berah Tsitsipas a chak lo

Stefanos Tsitsipas-a'n world ranking lama number 1 Carlos Alcaraz tlan pelh a tumna chu a hlawhchham rih. Greek tlangval hi Indian Wells a match hmasa berah Jordan Thompson hneh loin a tla nghal.

Inrinni inkhelah Tsitsipas hi 7-6 (7-0), 4-6, 7-6 (7-5) in a chak lo. Seeded pahnihna hi set khatna tie break thlenpui mah se point a hmu miah lo a, set hnihna laiin insiamṭha deuh mah se a tawpah a che fuh lo zawkah a ṭang.

Australian tlangval Thompson hi Tsitsipas nen vawi thum an inkhelhah a chak vawi khatna a ni. Thompson chuan, "Inkhel hriatthiam harsa ve tak chu a ni, a tawpa ka hlimna hi thuin a hrilhfiah zo lo," a ti.

Inkhel dangah 2021 champion Cameron Norrie chuan Tung-lin Wu 6-2, 6-4 in a hneh. British tlangval Norrie hian nizan khan Matteo Berrettini hnehtu Taro Daniel a hmachhawn leh a, result erawh kan hre hman lo.