Zaninah Basaksehir leh Gent

15th March, 2023

Europa Conference League last 16 match tam zawk chu Ningani zana khelh tur ni mah se zaninah match khat khelh a ni dawn. Faith Terim Stadium-ah zanin dar 10:30 hian Istanbul Basaksehir leh Gent te an inkhel ang.

First leg-ah team pahnih hi 1-1 in an inhnehtawk a, chak zawk tur hriatthiam a la har hle. Conference League-a champion hian season tharah Europa League an khel thei a, season liam taa champion AS Roma chu Europa League-a champion beiseiawm zinga mi an ni.

Conference League-ah hian English club aṭangin West Ham United an la dam a, David Moyes-a hote hian first leg-ah Cypriot club AEK Larnaca chu 2-0 in an hneh. Ningani zan hian London Stadium-ah Hammers hian Larnaca hi an mikhual dawn a, David Moyes-a hote tan quarterfinal luh hi thil harsa niin a lang tawh lo.Zaninah Basaksehir leh Gent