Zanin aṭangin MSL semifinal

Mizoram Super League 8 chu zanin dar 8:00 aṭangin semifinal khelh a ni dawn. League round lama hmahruaitu Zarkawt BCA leh palina Bungkawn LB Associates te an inhmachhawn ang, best of three series hmanga chak zawk zawn tur a ni.

A zawna vawi li champion thei BCA hian an hma a ding apiang an hnel zel, mahse match 14 an khelhah khan vawi khat chak loh an nei, an hneh loh awmchhun hi Bungkawn LB an ni, coach Lalruatfela naute tan fimkhur a ngai ang.

Zarkawt BCA an chak loh hian semifinal khel turin an tling chiang tawh, an hneh loh Bungkawn erawh chak ngei ngei ngai an ni thung, an boruak a inan loh em avangin an result hi an nihna tak a ni chiah lo tia sawi theih a ni.

Chutihrualin, season tir lama an intawn pawhin BCA hian LB hi 101-100 in an hneh hram, an inthlauhna hi point khat chauh a ni. kai thar Bungkawn hi BCA tan meuh pawh zuam sual theih tur an ni a, fimkhur taka an hmachhawn a ngai ang.

Bungkawn LB hi kai thar ni mah se dah hniam theih an ni lo, tawnhriat nei ṭha Tuikual South leh Chanmari Vikings chunga awm thei an ni. Vikings phei chu Mission Veng Vikings an nih laia MSL champion tawh an ni hial.