Raducanu tan Swiatek a thiam hret

Indian Wells khelh laiah Emma Raducanu che ṭha viau mah se a tan Iga Swiatek chu a la thiam mah mah deuh. World number 1 Swiatek hian nimin khan Raducanu hi 6-3, 6-1 a hnehin last 16-ah a zinkawng a lo tih tawpsak.

US Open nomawi

a chawi hnuah Raducanu hian result ṭha a nei tam lo, tun inelna neih laiah erawh a inkhel a hmuhnawmin beiseina pawh a nei sang hman. Mahse, Polish nula Swiatek meuh hneh tur chuan zir belh tur a la ngah.

British nula Raducanu chuan, "Iga khan a khel ṭha em em a, number 1 a nihna chu a takin a lantir a ni. A tir aṭang khan kawng engkimin inkhel a thunun a, ka tan kawng a inhawng ve lo," a ti.

Seeded pakhatna Swiatek hian vawiinah Sorana Cirstea a hmachhawn leh ang.

Inkhel dangah Australian Open champion Aryna Sabalenka chuan Barbora Krejcikova chu 6-3, 2-6, 6-4 in a hneh a, quarterfinal-a a khingpui tur hi Coco Gauff a ni. Gauff hian Rebecca Peterson 6-3, 1-6, 6-4 in a hneh ve bawk.