Mizoram Police-in last 16 an lut

71st Bn Mullik Memorial All India Police Football Championship-ah Mizoram Police chuan nimin khan Jharkhand 5-1 in an hneh a, last 16 an lut. Lalbiaksanga Colney enkawl Police team hian match hmasa berah Gujarat chu 9-1 in an sawp tawh bawk.

Jharkhand lakah hian Mizoram tan H. Lalbiakthanga'n penalty aṭangin hmahruaina goal minute riatna lekah a khung a, Lalfakzuala'n minute 22-naah a khung belh. Lalnunsanga'n (Talea) goal hnih dang a khung belh a, Jharkhand-in goal khat khung ve mah se Gujarat laka hattrick siamtu Malsawmfela'n chak nemnghehna goal a khung.

Mizoram hian vawiin tlai dar 3:00 hian Synthetic Turf Ground-ah Madhya Pradesh an hmachhawn ang. Group D-ah Mizoram hi Gujarat, Jharkhand leh Madhya Pradesh te

nen an awm ho a, a sang pahnihin last 16 an lut ang. Inelna hi Srinagar, J&K-ah khelh a ni a, January 21 thleng a awh dawn.